Mbrëmjen e së dielës rreth orës 22:50 në rrugën “Sejdi Sejdiu” në Ferizaj ka ndodhur një përleshje ku dyshohet të jetë përdorur arma e zjarrit. Si pasojë e këtij incidenti, një person mashkull i moshës madhore ka humbur jetën, ndërsa vdekja e tij është konfirmuar nga ekipi mjekësor i spitalit të Ferizajt. Në vendin e ngjarjes kanë dalë njësitë relevante policore, përfshirë Njësinë e Reagimit të Shpejtë dhe hetuesit e stacionit policor në Ferizaj, të cilët po vazhdojnë hetimet për zbardhjen e plotë të rrethanave. Autoritetet kanë bërë me dije se ngjarja ka nisur si një përleshje dhe po hetohet me seriozitet për të sqaruar motivet dhe përgjegjësit.