Të enjten mbrëma në Junik ka ndodhur një rrahje mes disa personave, ku dyshohet se janë përdorur armë zjarri. Policia ka gjetur në vendin e ngjarjes dy gëzhoja dhe ka arrestuar gjashtë persona të dyshuar, ndërsa njëri prej tyre është dërguar për trajtim mjekësor për shkak të lëndimeve trupore. Gjatë kontrollit janë konfiskuar dy armë zjarri me tre fishekë, dy thika dhe dy gëzhoja, që dyshohet se lidhen me ngjarjen. Me vendim të prokurorit, tre të dyshuar janë dërguar në mbajtje, ndërsa tre të tjerët janë liruar në procedurë të rregullt.