Më 9 gusht, rreth orës 15:30, në sheshin “Isa Boletini” në Mitrovicë ndodhi një incident i rëndë me të shtëna me armë zjarri brenda një ndërtese banimi. Nga hetimet paraprake rezulton se është qëlluar nga dy palë, ndërsa dy dyer banesash janë dëmtuar nga predhat. Të dyshuar për këtë ngjarje janë dy vëllezër, Endri dhe Albi Cakiqi, të cilët ndodhen në arrati dhe nuk janë lokalizuar ende nga Policia. Rasti po hetohet si “Vrasje në tentativë”, ndërsa motivi i përplasjes mbetet i paqartë dhe hetimet vazhdojnë me sekuestrimin e gëzhojave dhe predhave nga vendi i ngjarjes.