Të mërkurën pasdite në Prishtinë ka ndodhur një përleshje mes disa personave, ku njëri prej tyre dyshohet se ka drejtuar armën e zjarrit ndaj një tjetri, duke rrezikuar sigurinë në vendin e ngjarjes. Në momentin e incidentit kanë ndërhyrë dy zyrtarë policorë që ndodheshin jashtë detyrës zyrtare, të cilët kanë përdorur sprejin zyrtar për të neutralizuar situatën. Policia ka arrestuar tre persona të dyshuar dhe ka konfiskuar një pistoletë me pesë fishekë. Për rastin janë iniciuar hetime për kanosje, mbajtje të paautorizuar të armës dhe sulm, ndërsa të arrestuarit janë dërguar në mbajtje me vendim të prokurorit.