Një incident i dhunshëm ka ndodhur të hënën në Podujevë, ku tre persona u përfshinë në një përleshje fizike mes vete. Policia e Kosovës arrestoi të tre të dyshuarit dhe konfiskoi një shufër druri dhe një shufër metali, që dyshohet se u përdorën gjatë konfliktit. Dy nga të përfshirët pësuan lëndime të lehta trupore dhe morën tretman mjekësor. Me urdhër të prokurorit, të dyshuarit janë dërguar në mbajtje, ndërsa hetimet për shkaqet e ngjarjes vazhdojnë.