Një incident i rëndë ka ndodhur në Prizren, ku dy persona nga e njëjta familje, axha dhe nipi, janë përfshirë në një përleshje me thika në rrugën “Janina”. Si pasojë e rrahjes, njëri prej tyre ka pësuar lëndime të lehta trupore dhe është dërguar për trajtim mjekësor. Policia rajonale, përmes zëdhënësit Shaqir Bytyqi, ka konfirmuar ngjarjen dhe po vazhdon mbledhjen e informacionit për të sqaruar rrethanat e sakta të ngjarjes. Hetimet janë në zhvillim e sipër, ndërsa autoritetet po përpiqen të kuptojnë nëse në konflikt kanë qenë të përfshirë edhe persona të tjerë.