Një përleshje fizike ka ndodhur në fshatin Krushë të Madhe të Rahovecit, ku një person është therur me mjet të mprehtë dhe ka pësuar lëndime trupore. Viktima është dërguar për trajtim në Spitalin e Prizrenit, ndërsa i dyshuari është arrestuar nga Policia në koordinim me prokurorinë. Mjeti i përdorur gjatë incidentit është sekuestruar dhe ndaj të dyshuarit është iniciuar rasti "Lëndim i rëndë trupor". Policia ka reaguar menjëherë pas marrjes së informatës nga një qytetar, ndërsa hetimet për ngjarjen janë në vazhdim nga organet kompetente.