Tre të mitur janë arrestuar në Pejë pas një përleshjeje ku një person u ther me thikë, ndërsa një tjetër pësoi lëndime të lehta trupore. Ngjarja ndodhi në rrugën “Agim Qela”, ku viktimat u dërguan menjëherë për tretman mjekësor. Gjatë kontrollit, policia konfiskoi një thikë dhe një pistoletë me gaz nga të dyshuarit, të cilët pas intervistimit u dërguan në mbajtje me vendim të prokurorit. Rasti po hetohet për lëndim të rëndë dhe të lehtë trupor, si dhe për mbajtje të paautorizuar të armëve.