Një person 42-vjeçar, i identifikuar si Olsi Muçodemi, është plagosur me thikë në lagjen nr.1 të Sarandës gjatë një përleshjeje paraditen e sotme. I plagosuri u dërgua me urgjencë në spital, ku raportohet se ka plagë në gjoks, por gjendja e tij është jashtë rrezikut për jetën. Forca të shumta policore ndodhen në vendin e ngjarjes dhe kanë nisur hetimet për kapjen e autorit, ndërsa shkaqet dhe rrethanat e ngjarjes mbeten ende të paqarta. Policia pritet të dalë së shpejti me një njoftim zyrtar për zhvillimet e mëtejshme.