Në orët e para të mëngjesit të 2 gushtit, gjatë festivalit Sunny Hill në Bërnicë të Prishtinës, dy shtetas të huaj, Aron Radik nga Estonia dhe Billey Alexandre nga Holanda, u përfshinë në një përleshje fizike që shkaktoi lëndime trupore. Policia ndërhyri menjëherë dhe i ndaloi të dy, duke nisur procedurat për veprat penale “Lëndim i lehtë trupor” dhe “Sulm”. Komunikimi me të dyshuarit u zhvillua në gjuhën angleze për shkak të mungesës së përkthyesit të licencuar, ndërsa ata morën trajtim mjekësor për plagët e pësuara. Redaksia e Sinjalit siguroi edhe pamje ekskluzive nga momenti i përleshjes, ku shihet tensioni dhe përpjekjet për të ndarë konfliktin, ndërsa rasti vazhdon të hetohet nga autoritetet.