Një përleshje mes pasagjerëve në bord të një avioni të kompanisë easyJet shkaktoi një ulje emergjente në Aeroportin Ndërkombëtar të Prishtinës. Incidenti ndodhi gjatë fluturimit nga Gatwick Airport drejt Antalya, pasi një grua me origjinë britanike, e cila dyshohet se kishte konsumuar vodka, u bë agresive duke tentuar të godasë një pasagjer dhe duke i pështyrë në fytyrë. Për shkak të situatës së krijuar, piloti u detyrua të devijonte fluturimin dhe të ulte avionin në Kosovë. Në vendngjarje ndërhyri Policia e Kosovës, e cila largoi nga avioni dy pasagjerët e përfshirë në incident, ndërsa pamjet e ngjarjes u bënë publike nga media britanike “The Sun”.