Një konflikt mes një çifti në kompleksin “Labi Invest” në Prishtinë ka përfunduar me ndërhyrjen e Policisë pas një përplasjeje fizike brenda banesës. Bashkëshortët D. Sh dhe M. G janë shoqëruar në Stacionin Policor “Jugu” dhe intervistuar si të dyshuar, ndërsa gruaja ka marrë trajtim mjekësor për lëndimet e pësuara. Sipas deklarimeve, konflikti ka nisur nga presion psikologjik dhe ka eskaluar në dhunë fizike, ku secili pretendon se ka vepruar në vetëmbrojtje. Rasti është iniciuar si “Dhunë në familje” dhe hetimet vazhdojnë, ndërkohë që të dyshuarit janë liruar në procedurë të rregullt me urdhër të Prokurores kujdestare.