Mbrëmjen e sotme në fshatin Gjonaj të Hasit ka ndodhur një përleshje e dhunshme ku një person ka mbetur i lënduar dhe është dërguar me urgjencë në Spitalin Rajonal të Prizrenit për trajtim. Policia ka mbërritur në vendin e ngjarjes dhe ka nisur hetimet për zbardhjen e plotë të incidentit dhe identifikimin e të përfshirëve. Ende nuk është e qartë me çfarë mjeti është goditur viktima dhe rrethanat e sakta të konfliktit mbeten të paqarta. Prokurori i shtetit është njoftuar dhe ka urdhëruar nisjen e hetimeve, ndërsa pritet që të ndërmerren veprime ligjore ndaj të dyshuarve.