Një përleshje mes tre personave ka ndodhur të hënën vonë në sheshin “Shatërvan” në Prizren, ku dy prej tyre kanë marrë trajtim mjekësor. Policia ka arritur të ndalojë dy të dyshuarit, ndërsa gjatë kontrollit tek njëri prej tyre është gjetur një pistoletë me karikator dhe pesë fishekë. I arrestuari kryesor, 20-vjeçari Amush Sallashi, është ndaluar për 48 orë me vendim të prokurorit dhe është dërguar në mbajtje. Hetuesit dhe njësia e kriminalistikës po vazhdojnë hetimet në koordinim me Prokurorinë për zbardhjen e plotë të rrethanave të incidentit.