Reshjet e fundit kanë shkaktuar përmbytje dhe rrëshqitje dheu në Bashkinë Memaliaj, duke dëmtuar rëndë infrastrukturën dhe banesat në disa fshatra, veçanërisht në Vasjar. Tre banesa në këtë fshat janë bërë të pabanueshme, dy prej tyre ndodhen në zona të rrezikshme për shkak të rrëshqitjes së tokës. Rrugët dytësore janë mbushur me inerte, ndërsa në disa zona është vërejtur ulje e nivelit të truallit. Bashkia Memaliaj ka dërguar grupe verifikimi për evidentimin e dëmeve dhe pret që qeveria shqiptare të alokojë fondet për rehabilitimin e zonave të prekura.