Reshjet e dendura të shiut kanë shkaktuar përmbytje në disa zona të komunës së Ferizajt, me fokus kryesor në fshatrat Dardani dhe Zllatar. Autoritetet komunale kanë njoftuar për dëme të konsiderueshme në ekonomi familjare, kultura bujqësore dhe infrastrukturë publike, ndërsa rruga magjistrale Ferizaj-Gjilan është bllokuar për qarkullim. Ekipet e emergjencave dhe shërbimeve publike janë angazhuar me kapacitet të plotë në terren për menaxhimin e situatës dhe tejkalimin e pasojave. Qytetarëve u është bërë thirrje të shmangin qarkullimin në zonat e prekura deri në përmirësimin e situatës dhe përfundimin e ndërhyrjeve emergjente.