Në Klinikën e Pediatrisë në QKUK janë ndërmarrë masa për përmirësimin e kushteve pas denoncimeve të qytetarëve për ambientet jo të përshtatshme. Së fundmi janë ndërruar shtatë shtretër, ndërsa pritet të zëvendësohet edhe një tjetër në ditët në vijim. Përveç kësaj, klinika do të furnizohet me 51 artikuj të rinj, duke përfshirë pajisje dhe materiale të ndryshme për të përmirësuar shërbimin ndaj pacientëve. Drejtori i shërbimeve tekniko-administrative ka bërë të ditur gjithashtu se janë rinovuar disa banjo në repartet e ndryshme dhe se rinovimi do të vazhdojë edhe në pjesë të tjera të klinikës.