Programi i imunizimit në Kosovë ka shënuar përparime të rëndësishme që nga viti 2024, duke integruar me sukses tri vaksina të reja kundër rotavirusit, pneumokokut dhe Human Papilloma Virusit në kalendarin e rregullt të vaksinimit. Vaksinimi i fëmijëve mbetet një ndër ndërhyrjet më efektive për mbrojtjen nga sëmundjet ngjitëse, me 13 antigjene të përfshira aktualisht në kalendarin kombëtar. Në Prishtinë, vaksinimi ofrohet në 15 njësi të qendrave të mjekësisë familjare, me orar të zgjatur nga ora 7 deri në 19:00, duke përfshirë edhe zonat rurale. Megjithatë, sfidë mbetet ulja e mbulueshmërisë me vaksinën kundër fruthit, shtytave dhe rubeolës, që rrit rrezikun për shpërthime të sëmundjeve infektive në vend.