Një 30-vjeçar shqiptar u arrestua në Itali gjatë një operacioni policor në Rimini, ku u kap me mbi 1 kg kokainë, 35 gramë hashash dhe rreth gjysmë milioni euro në para të gatshme. Ai u përpoq të largohej me shpejtësi nga postblloku policor, duke goditur oficerët dhe makinën e tyre, si dhe duke shkaktuar aksidente gjatë ndjekjes së tij të rrezikshme në rrugët e qytetit. Pas një përplasjeje të fortë me murin, shqiptari tentoi të ikte në këmbë, por u kap dhe u arrestua menjëherë. Në shtëpinë e tij dhe të gruas së tij, e cila u akuzua për posedim droge në gjendje të lirë, u gjetën edhe materiale për paketimin e drogës, ndërsa automjeti dhe pasuritë e tjera u vunë nën sekuestro paraprake.