Në qytetin gjerman të Gelsenkirchenit, dy tramvaje u përplasën duke shkaktuar mbi 20 të plagosur, prej të cilëve tre janë në gjendje kritike. Një nga tramvajet ishte ndalur në një segment të hapur të linjës kur u godit nga tramvaji tjetër me pasagjerë, ndërsa shkaqet e aksidentit mbeten ende të paqarta. Autoritetet kanë ngritur një ekip hetimor për të zbardhur rrethanat dhe për të përcaktuar arsyet e ndalimit të papritur të tramvajit të parë. Pas ngjarjes, u ndërprenë përkohësisht trafiku në një pjesë të bulevardit kryesor, ndërsa në vendngjarje u angazhuan dhjetëra ekipe shpëtimi, ambulanca dhe psikologë për të ndihmuar të prekurit.