Një aksident i rëndë automobilistik ka ndodhur në rrugën “Vllazërimi” në Durrës, ku dy automjete janë përplasur me njëra-tjetrën. Si pasojë e goditjes së fortë, njëra prej makinave është përmbysur në mes të rrugës, duke shkaktuar dy të lënduar që u transportuan me urgjencë në Spitalin Rajonal të Durrësit. Gjendja shëndetësore e tyre mbetet ende e paqartë. Në vendngjarje janë angazhuar shërbimet e Policisë, të cilat kanë nisur hetimet për të zbardhur rrethanat dhe shkaqet e aksidentit.