Një aksident i rëndë ka ndodhur në aksin Fier-Libofshë, pranë fshatit Petove, ku janë përfshirë dy automjete, një “Range Rover” dhe një “Mercedes”. Përplasja ka shkaktuar lëndimin e katër personave, të cilët janë dërguar me tre autoambulanca në Spitalin Rajonal të Fierit dhe ndodhen jashtë rrezikut për jetë. Ngjarja ka shkaktuar bllokim të qarkullimit dhe radhë të gjatë automjetesh në këtë segment rrugor. Forcat e policisë kanë mbërritur menjëherë në vendngjarje dhe po punojnë për zbardhjen e shkaqeve të aksidentit.