Një aksident i rëndë trafiku ndodhi dje në rrugën magjistrale Gjakovë-Klinë, në fshatin Mrasor, ku u përfshinë dy automjete. Sipas Policisë Rajonale të Gjakovës, në këtë përplasje mbetën të lënduar dhjetë persona, të cilët u dërguan për trajtim në Spitalin e Përgjithshëm të Gjakovës. Nga të lënduarit, dy u transferuan në Qendrën Klinike Universitare të Kosovës, ndërsa të tjerët u pranuan në repartet e ndryshme të spitalit, përfshirë ortopedinë, kirurgjinë dhe gjinekologjinë, ku ishte edhe një paciente shtatzënë. Pamjet e veturave të dëmtuara rëndë janë publikuar nga mediat lokale, duke treguar shkallën e përplasjes dhe pasojat e saj.