Mëngjesin e sotëm në hyrje të qytetit të Gjirokastrës, në rrugën kombëtare Gjirokastër-Tepelenë, tre automjete janë përplasur në një aksident të rëndë. Në ngjarje janë përfshirë dy autovetura dhe një fuoristradë, të cilat u përplasën në kthesën pranë ish-Divizionit, sot Drejtoria e Policisë Kufitare. Fatmirësisht, nuk ka të lënduar, por dëmet materiale janë të konsiderueshme. Policia po vijon hetimet për të zbardhur shkaqet e aksidentit dhe për të siguruar rrugën për drejtuesit e mjeteve.