Një aksident hekurudhor ka ndodhur në Fushë Kosovë, ku treni i linjës Pejë–Prishtinë është përplasur me një automjet që dyshohet se nuk është ndalur në vendkalimin hekurudhor. Në vendin e ngjarjes kanë dalë njësitë e Policisë së Kosovës, të cilat po hetojnë rrethanat e aksidentit, ndërsa ende nuk dihet gjendja shëndetësore e personave të përfshirë. Për shkak të procedurave hetimore, qarkullimi i trenit është ndalur përkohësisht deri në përfundimin e ekzaminimeve nga organet kompetente. Autoritetet kanë kontaktuar me policinë, por deri tani nuk ka pasur përgjigje zyrtare për detaje shtesë.