Një aksident tragjik ka ndodhur në landin Rheinland-Pfalz të Gjermanisë, ku një kamion i Kryqit të Kuq u përplas me një motoçikletë me dy persona pranë hyrjes së një qendre të Kryqit të Kuq. Motoçiklisti 38-vjeçar dhe pasagjerja e tij 33-vjeçare humbën jetën në vendngjarje, pavarësisht ndërhyrjes së shpejtë të ekipeve të emergjencës. Paraprakisht dyshohet se shoferi 35-vjeçar i kamionit po tentonte të kthehej dhe nuk e kishte vënë re motoçikletën që po vinte përballë, por policia ende po heton rrethanat e sakta të aksidentit.