Një aksident i rëndë ka ndodhur në aksin rrugor Cërrik-Mollas pranë fshatit Selvijas, ku dy automjete u përplasën kokë më kokë me forcë të madhe, duke shkaktuar shkatërrim të plotë të tyre. Si pasojë e kësaj përplasjeje fatale, dy persona humbën jetën në vendngjarje, të identifikuar si Qemal Çala dhe Drilon Tabaku. Në vendin e ngjarjes mbërritën shërbimet e emergjencës, policia dhe grupi hetimor, të cilët nisën punën për zbardhjen e plotë të rrethanave të aksidentit. Ende nuk ka një njoftim zyrtar nga policia, ndërsa hetimet vazhdojnë për të sqaruar shkaqet e kësaj tragjedie rrugore.