Një tragjedi ndodhi në Gjirin e Ksamilit, ku një 22-vjeçar, duke lundruar me një mjet tip jet ski me shpejtësi të lartë, u përplas me skafin e Policisë Kufitare të Sarandës. Ngjarja ndodhi rreth orës 18:30, kur skafi i policisë ishte i stacionuar rreth 400 metra larg bregut për monitorimin e zonës detare. Pas përplasjes, i riu u nxorr menjëherë nga deti dhe u transportua me urgjencë në spital, por nuk mundi t’u mbijetojë plagëve të marra.