Mbrëmjen e sotme në autostradën Tiranë-Durrës, pranë mbikalimit të Fllakës, dy automjete u përplasën me njëri-tjetrin, duke shkaktuar dëme të mëdha materiale. Si pasojë e aksidentit, dy drejtuesit e mjeteve mbetën të plagosur dhe u transportuan me urgjencë në spital për ndihmë mjekësore. Në vendngjarje mbërritën shërbimet e Policisë dhe grupi hetimor, të cilët nisën menjëherë hetimet për të zbardhur shkaqet e përplasjes. Përplasja shkaktoi gjithashtu vështirësi në qarkullimin e automjeteve për disa minuta në këtë segment të autostradës.