Një aksident mes një veture dhe një motoçiklete ka ndodhur pasditen e 5 korrikut në rrugën “Uke Bytyqi”, në aksin kryesor Prizren–Suharekë, pranë rrethit të Tranzitit të Vjetër në Prizren. Në vendin e ngjarjes kanë intervenuar menjëherë ekipet e Emergjencës dhe Policia e Kosovës. Motoçiklisti ka pësuar lëndime dhe, pasi ka marrë ndihmën e parë në vendin e aksidentit, është dërguar me urgjencë në Spitalin Rajonal të Prizrenit për trajtim mjekësor. Në fillim nuk kishte informacione të qarta për gjendjen e tij, por më vonë u konfirmua se ai ishte i lënduar dhe po merr kujdesin e nevojshëm.