Një aksident rrugor ka ndodhur mesditën e së hënës në zonën e Skelës në Vlorë, ku janë përplasur dy automjete. Fatmirësisht, nuk ka pasur persona të lënduar, por dëmet materiale kanë qenë të dukshme. Pas përplasjes, drejtuesit e mjeteve janë përfshirë në një konflikt fizik, që ka kërkuar ndërhyrjen e menjëhershme të Policisë. Autoritetet janë duke hetuar ngjarjen për të sqaruar plotësisht dinamikën e aksidentit dhe të konfliktit që pasoi.