Një konflikt fizik ka shpërthyer brenda kafazit të xhamit në sallën e Gjykatës së Posaçme në Tiranë, ku po zhvillohej procesi gjyqësor ndaj katër të pandehurve të akuzuar për vrasjen e Renis Dobrës. Situata u tensionua shumë dhe u desh ndërhyrja e menjëhershme e forcave të sigurisë së gjykatës dhe burgjeve për të qetësuar situatën. Në sallë ishin të pranishëm gjyqtari dhe prokurorja e SPAK, ndërsa procesi po zhvillohej nën masa të rrepta sigurie. Ngjarja e rëndë e vrasjes ka kaluar për kompetencë në SPAK, ku po zhvillohet edhe ky gjyq i tensionuar.