Një aksident i rëndë automobilistik ka ndodhur mesditën e së mërkurës në bypass-in e Fierit, pranë fshatit Mbrostar, ku dy makina që udhëtonin në të njëjtin kah janë përplasur me njëra-tjetrën. Si pasojë, katër persona kanë mbetur të plagosur, përfshirë dy turistë të huaj, të cilët janë dërguar me urgjencë në Spitalin Rajonal të Fierit për ndihmë mjekësore. Burimet nga spitali konfirmojnë se të plagosurit ndodhen jashtë rrezikut për jetën. Në vendngjarje kanë mbërritur shërbimet e Policisë Rrugore, të cilat kanë nisur hetimet për të zbardhur shkaqet e aksidentit dhe po punojnë për normalizimin e trafikut në këtë zonë.