Një aksident i rëndë trafiku ka ndodhur në fshatin Mleqan, në rrugën Prishtinë–Pejë, ku janë përplasur një veturë dhe një traktor i ngarkuar me miell. Si pasojë e përplasjes, dy persona kanë pësuar lëndime dhe janë dërguar për trajtim mjekësor. Në vendin e ngjarjes kanë dalë njësitet e Policisë së Kosovës, të cilat kanë menaxhuar situatën dhe kanë kryer ekzaminimet e nevojshme. Rrethanat dhe shkaqet e aksidentit janë duke u hetuar nga njësitë kompetente, ndërsa qarkullimi në këtë segment rrugor u pengua përkohësisht deri në largimin e automjeteve.