Një aksident trafiku ka ndodhur mbrëmjen e së mërkurës në rrugën “Beteja e Loxhës” në Pejë, ku janë përfshirë dy automjete. Si pasojë e përplasjes, dy persona kanë pësuar lëndime trupore dhe janë dërguar për trajtim në Spitalin Rajonal të Pejës. Policia ka marrë njoftim për ngjarjen rreth orës 19:20 dhe njësitet policore janë nisur menjëherë në vendin e aksidentit për të hetuar rrethanat që çuan deri te përplasja. Zëdhënësi i Policisë së Pejës, Driton Rugova, ka konfirmuar informacionin dhe po vazhdojnë hetimet për zbardhjen e plotë të ngjarjes.