Një aksident rrugor ka ndodhur në zonën e Pyllit të Sodës në Vlorë, ku janë përplasur një kamion dhe një automjet. Si pasojë e përplasjes, dy vajza kanë mbetur të plagosura dhe janë dërguar menjëherë në Spitalin Rajonal të Vlorës për ndihmë mjekësore. Në vendngjarje kanë mbërritur shërbimet e Policisë, ambulanca dhe zjarrfikësit, të cilët kanë ndërhyrë për të ndihmuar të lënduarat dhe për të normalizuar qarkullimin. Policia ka nisur hetimet për të zbardhur shkaqet dhe rrethanat e aksidentit, ndërsa nga përplasja janë shkaktuar dëme të konsiderueshme materiale.