Mëngjesin e së hënës në autostradën Levan-Tepelenë, pranë rrethrrotullimit të Levanit, ka ndodhur një aksident i rëndë midis dy automjeteve, një Audi dhe një Benz. Përplasja ka qenë e fortë dhe si pasojë ka humbur jetën drejtuesi i Audi-t, i cili është dërguar në morg. Policia ndodhet në vendngjarje dhe po kryen hetimet për të zbardhur dinamikën e ngjarjes, ndërsa dyshohet se shpejtësia mbi normat e lejuara ka qenë shkaku kryesor i aksidentit. Hetimet vazhdojnë për të përcaktuar saktësisht rrethanat që çuan në këtë tragjedi.