Një aksident i rëndë ujor ndodhi në zonën e Ranës së Hedhun në Shëngjin, ku dy skafe u përplasën me njëri-tjetrin. Si pasojë, një 25-vjeçar, Klaus Gjergji, humbi jetën, ndërsa një tjetër i ri, Uran Marku, mbeti i plagosur rëndë dhe u dërgua në spitalin e Lezhës. Autoritetet policore dhe detare kanë nisur hetimet për të zbardhur shkaqet e ngjarjes, ndërsa shërbimet e emergjencës ndërhynë menjëherë në vendin e aksidentit. Ky është rasti i dytë i rëndë me mjete lundruese brenda 24 orëve në vend, pasi një përplasje tjetër në Liqenin e Komanit shkaktoi plagosjen e pesë personave.