Prokuroria ka hapur hetim ndaj dy vëllezërve, 43 dhe 44 vjeç, të cilët dyshohen për tentim vrasje në fshatin Shishovë. Ngjarja ka ndodhur pas një mosmarrëveshjeje në komunikacion, ku fillimisht kishte pasur një debat verbal dhe një përplasje fizike mes dy personave. Më pas, dy vëllezërit e dyshuar kanë pritur me armë zjarri pranë vendit të incidentit dhe kanë qëlluar, duke plagosur një person në kokë dhe duke rrezikuar jetën e dy të tjerëve. Prokuroria kërkon paraburgim për ta, ndërsa hetimet vazhdojnë për zbardhjen e plotë të ngjarjes.