Një ngjarje tragjike ka ndodhur në mbrëmjen e së mërkurës në qytetin Caen të Francës, ku një 26-vjeçar dyshohet se ka përplasur qëllimisht një turmë këmbësorësh pranë një bari dhe stacionit të trenit. Si pasojë, një person ka humbur jetën, ndërsa dhjetë të tjerë janë plagosur, disa prej tyre në gjendje kritike. Ngjarja dyshohet të ketë lidhje me një përleshje të mëparshme në lokal, ndërsa i dyshuari u largua nga vendi i ngjarjes, por u arrestua më vonë rreth 20 kilometra larg. Autoritetet franceze kanë nisur hetimet për zbardhjen e plotë të rrethanave dhe nuk dyshojnë për prapavijë terroriste, ndërsa i arrestuari ishte i njohur vetëm për shkelje të kodit rrugor.