Më 7 prill në Pejë ka ndodhur një incident i dhunës në familje mes ish-dhëndrit D.G. dhe vjehrrit M.S., ku ky i fundit ka paraqitur rastin në polici. Ngjarja ka ndodhur në rrugën “Konstantin i Madh”, ku ish-dhëndri i është afruar vjehrrit teksa ishte në veturë dhe i ka kërkuar të hapë xhamin për të pyetur për vajzën e tij, duke e ofenduar më pas me fjalë fyese. I dyshuari ka dhënë një version tjetër, duke thënë se kishte shkuar për të blerë bukë dhe se viktima e kishte kërcënuar, ndërsa ka mohuar përdorimin e fjalëve fyese dhe ka dorëzuar një mesazh me përmbajtje fyese që pretendon se i ishte dërguar nënës së tij nga viktima. Policia ka verifikuar vendin e ngjarjes, por nuk ka gjetur kamera sigurie, ndërsa rasti është iniciuar si “Dhunë në familje” dhe i dyshuari është liruar në procedurë të rregullt, me njoftimin e Qendrës për Punë Sociale dhe Mbrojtësit të Viktimave.