Një aksident trafiku ka ndodhur paraditen e së enjtes në rrugën “UÇK” në Pejë, ku janë përfshirë dy automjete në lëvizje dhe janë dëmtuar edhe dy vetura të parkuara pranë vendit të ngjarjes. Si pasojë e përplasjes, dy persona kanë pësuar lëndime trupore dhe janë dërguar për trajtim në Spitalin Rajonal të Pejës. Policia lokale ka nisur hetimet për të zbardhur rrethanat e aksidentit dhe po vazhdon punën për të sqaruar shkakun e ngjarjes. Zëdhënësi rajonal i Policisë, Driton Rugova, ka konfirmuar se hetuesit e njësisë së trafikut janë duke punuar për zbardhjen e plotë të ngjarjes.