Një aksident trafiku ka ndodhur në qendër të Gjilanit, pranë semaforëve, ku janë përfshirë një veturë dhe një motoçikletë. Si pasojë e përplasjes, drejtuesi i motoçikletës ka pësuar lëndime dhe është dërguar në Qendrën Emergjente të Spitalit të Përgjithshëm në Gjilan për trajtim mjekësor. Njësitet policore dhe hetuesit e trafikut rrugor kanë dalë në vendin e ngjarjes dhe kanë nisur hetimet për të sqaruar rrethanat dhe shkaqet e aksidentit. Aktualisht, nuk ka informacione të mëtejshme për gjendjen e motoçiklistit, ndërsa policia vazhdon punën për zbardhjen e plotë të ngjarjes.