Një person është plagosur me thikë në orët e mbrëmjes në Mitrovicën e Veriut. I lënduari, i nacionalitetit serb, ka marrë trajtimin mjekësor dhe ndodhet jashtë rrezikut për jetë. Rastin e ka konfirmuar zëvendësdrejtori i Policisë së Kosovës për rajonin e Veriut, Veton Elshani, i cili ka bërë me dije se policia ka nisur hetimet dhe është në kërkim të personit ose personave të dyshuar që kanë kryer sulmin. Autoritetet po vazhdojnë punën për zbardhjen e plotë të ngjarjes dhe kapjen e përgjegjësve.