Një person është gjetur pa shenja jete paraditen e së dielës në Janjevë të Lipjanit, pasi familjarët kërkuan ndihmën e Emergjencës pasi e gjetën pa ndjenja në shtëpi. Ekipi mjekësor konstattoi vdekjen në vendngjarje, ku intervenuan edhe njësitë e Policisë së Kosovës. Me urdhër të Prokurorit të Shtetit është iniciuar rasti “Trup i pajetë”, ndërsa bazuar në deklarimet e familjarëve, personi kishte pasur probleme shëndetësore më parë dhe nuk ka dyshime për rrethana të dyshimta të vdekjes. Trupi i pajetë iu është liruar familjes për ceremoninë e varrimit, ndërkohë hetimet vazhdojnë për të sqaruar plotësisht ngjarjen.