Një investigim i medias britanike The Sun zbulon se çdo ditë në Mbretërinë e Bashkuar dënohen mesatarisht pesë shtetas shqiptarë, duke përbërë rreth 9% të të huajve të burgosur në vend. Gjatë një viti deri në shtator 2025, 1,865 shqiptarë janë dërguar në burg për kryesisht vepra që lidhen me trafik droge dhe trafikim personash. Sipas ligjit britanik, të huajt që dënohen me mbi 12 muaj burg përballen automatikisht me dëbim pas përfundimit të dënimit, ndërsa po diskutohen ndryshime ligjore që do të lejojnë deportimin edhe më herët, pas vuajtjes së një pjese më të vogël të dënimit.