Një peshkaqen i tipit “dhelpër” me gjatësi rreth 2 metra dhe peshë 35 kilogramë është kapur në rrjetat e peshkatarëve në Borsh, duke tërhequr vëmendjen e banorëve dhe pushuesve në zonë. Ky ekzemplar, i cili është i rrallë në brigjet shqiptare, ka ngjallur interes të madh për shkak të shfaqjeve të pakta të peshkaqenëve në detin Jon. Peshkatarët theksojnë se, megjithëse zona është e pasur me specie të ndryshme detare, kapja e një peshkaqeni të tillë mbetet një ngjarje e veçantë. Pas nxjerrjes së tij në breg, shumë persona janë afruar për ta parë dhe fotografuar këtë krijesë të rrallë detare.