Në bregdetin e Vlorës, pranë shëtitores Lungomare, është raportuar për një peshkaqen që ka tërhequr vëmendjen e kalimtarëve. Sipas disa burimeve, peshkaqeni është gjetur i ngordhur në vijën bregdetare, ndërsa të tjerë raportojnë se ai ishte i gjallë, por me dëmtime të rënda në trup, të shkaktuara dyshohet nga helikat e mjeteve lundruese. Pas sinjalizimit, strukturat përkatëse dhe ambientalistët kanë ndërhyrë për të larguar kafshën nga bregu dhe pritet që autoritetet të kryejnë ekspertizën për të përcaktuar shkaqet e ngordhjes apo gjendjes së tij. Ngjarja ka ndodhur në një zonë me qarkullim të lartë qytetarësh, duke rritur interesin dhe shqetësimin për fatin e këtij peshkaqeni.