Një rrjedhje në gypin me diametër Fi 90 mm në rrugën “Ferid Curri” ka shkaktuar ndërprerje të furnizimit me ujë në disa zona të Prishtinës, duke përfshirë edhe rrugët “Spiro Mosiu”, “Zahide Jashari” dhe rrugë të tjera përreth. Kompania rajonale e ujësjellësit "Prishtina" njofton se defekti është i komplikuar dhe për shkak të kushteve në terren, ekipet nuk kanë mundur ta përfundojnë riparimin gjatë mbrëmjes së 30 gushtit. Punimet do të vazhdojnë gjatë ditës së nesërme me qëllim rikthimin sa më të shpejtë të furnizimit me ujë. Kompania kërkon mirëkuptim nga banorët dhe falënderon për durimin gjatë kësaj ndërprerjeje të papritur.