Një ngjarje e rëndë ka ndodhur mbrëmjen e së shtunës në fshatin Gjorm të Kurbinit, ku 22-vjeçari Veron Pasha u plagos në këmbë me armë zjarri. Policia ka identifikuar dhe shpallur në kërkim 47-vjeçarin Klodjan Ndoj, i cili dyshohet se pas plagosjes ka marrë me forcë automjetin e viktimës, duke e kërcënuar me armë. Konflikti mes tyre dyshohet të ketë nisur për motive të dobëta, të lidhura me një vajzë, dhe fillimisht është shoqëruar me një përleshje fizike para përdorimit të armës. Viktima ndodhet jashtë rrezikut për jetën, ndërsa hetimet nën drejtimin e Prokurorisë vijojnë për zbardhjen e plotë të ngjarjes dhe kapjen e autorit.